BestPick April : LeBronWatch

咩叫 LeBron Watch? 假如上Google Search 圖片,除咗搵到一大堆 LeBron XV 相之外,就係Lebton James 代言手錶廣告,咁其實LeBron Watch 又點解?

今年 Nike 與LeBron James 開創一個新企劃 LebronWatch ,一種追星先買到鞋嘅購物體驗;Watch 意指 LeBron James 仲係細路嗰陣睇電視、廣告,有咩令佢有深刻印象嘅畫面,以佢本人第一視角出發,製造近球員PE 版本嘅 LeBron XV 。
LeBron James:「係90年代,我細個經常睇電視,見到好多出色運動員,令我印象好深刻,好快就記住咗佢地嘅nickname ,甚至腳上一對鞋,每一個畫面、球員曾經俾動力我去追夢。我明白每個都會經過一個睇電視追星、追夢階段,所以我就希望,當有一日我成為運動員出現係電視螢幕上?,能夠將我自己經歷啟發電視螢幕前嘅觀眾,成就佢地嘅Watch。」

整個企劃概念其實幾抽像,但的確有佢意義,當中出現過咁多款 LeBron XV 嘅 LeBronWatch ,有部分真係令人一眼愛上,不過其實都有一兩款少少牽強……
上個月係一個好難得機會下,俾我成功買到3對LeBronWatch (之前成功由台北桃園機場過X光機)。無得唔承認,LeBronWatch 係今季NBA 最成功鞋款系列,單單留意LeBron James 每一場 WDYWT ,估佢下一場著邊對LeBronWatch 已經夠吸引;每一對都根據各自獨有嘅背景設計,真係總有一兩款可以勾起你嘅回憶,至於佢最成功一步就係用Flyknit 鞋面(又或者叫Battleknit)。
假如睇返之前嘅球星PE 、或者LeBron James 以往嘅 PE ,最大限度只可以轉鞋身部件顔色,例如鞋踭個TPU 轉夜光、磨沙面……極其量玩下顔色配搭,撞返一種似曾相識款,但鞋身部件因為設計剪裁而有限制;全 Flyknit 面 LeBron XV 毋須因爲剪裁限制而影響鞋身上每一個圖案擺位,只要用電腦改下刺繡位置,基本上繡咩圖型都可以,就好似Orange Box 後踭大logo ,由側面繡到後踭帶上面,用傳統方式製作鞋度好高,上色更加係佢吸引人嘅原因之一,顔色拯救全世界,仲有一點當然就係控制成本,唔使再因為部件上色複雜而加大製作成本、時間,直接推出市面發售自然又容易啲啦!

形容 LebronWatch 係近十年 LeBron 系列當中做得最仔細都唔算過分,每對就好似有PE 體驗仲想點,當然Kith x LeBron XV 都好靚,共同點都係用圖案、顔色引人注意,不過始終屬於crossover 系列,與自家打造唔同啲;但佢都有缺點,QC 唔係好好……今年 LeBronWatch 可能只係依類發售方式嘅試驗品,或者、我地會期望下季再有類似LeBronWatch 出現,甚至期望會唔會出現係其他系列鞋款身上呢?

 

無標題

無標題

Leave a Reply

Your email address will not be published.